Ueli der Chnächt

im Hämeli Signau vom 26.Juli 2024

Wie lang hei mir ufene schöne ,warme Summerabe gwartet i däm Jahr. Ändlech isch är cho u grad den wo mir mit üsne Treue Schwand-Bäregg ehemalige a ds Freilichttheater göh.

Aui 60Tickets si verchouft gsi u aui si cho u hei wöuä Ueli dr Chnächt cho luegä. Mir hei a däm Aabe di wunderbari Ussicht gnosse hei nis öppis gänggelet oder hei üse Hunger gstiuet i dr Theaterbeiz. Später hei mir d`Uffüerig gluegt, wunderbar gspiut vo dä Theaterlüt. Mir si aui beidruckt gsi!

Nach äm Theater hei sech die einte ufe Heiwäg gmacht, die andere hei no Durst gha und chli wöuä Höckle u Prichte.

Nach däm glungne Aabe hoffe mir das ou nächscht Jahr wieder vieli chöme. Merci viu mau äs het Spass gmacht mit Öich!!!
Ursula Thomi u dr Vorstand